Службен став на Израел е дека ги прифаќа повеќедецениските правила кои ја ограничуваат немуслиманската молитва на локацијата на третото најсвето место на исламот, кое Евреите го нарекуваат Рид на храмови, а го почитуваат зашто таму се наоѓаше храм од библиски времиња.
Според повеќегодишната спогодба со муслиманските власти, Ал-Акса ја управува верска фондација од Јордан и, според неколку десетици години старите правила Евреите можат да ја посетуваат, но таму не смеат да се молат.
„Се качив денеска на нашето свето место со молитва за благосостојба на нашите војници, за брзо враќање на сите заложници и за целосна победа со Божја помош“, напиша на социјалната мрежа Икс тврдолинискиот министер за безбедност Итамар Бен Гвир.
עליתי הבוקר למקום מקדשנו, לתפילה לשלום חיילנו, להחזרת כל החטופים במהרה ולניצחון המוחלט בעזרת השם. pic.twitter.com/uSBQCk64aZ
— איתמר בן גביר (@itamarbengvir) December 26, 2024
Објавата содржи и фотографија што го прикажува Бен-Гвир како оди по подрачјето на врвот на ридот во ерусалимскиот стар град, но немаше фотографии или видеоснимки на кои се моли. Кабинетот на премиерот Бенјамин Нетанјаху веднаш објави соопштение кое ја повторува службената позиција на израелската држава.
Israel’s far-right Security Minister Ben Gvir ascends to the Al-Aqsa Mosque compound in Jerusalem for what he says is a “prayer” for hostages in Gaza, freshly challenging rules over one of the most sensitive sites in the Middle East. 🤬 pic.twitter.com/55eQsV631L
— Shehzad Younis شہزاد یونس (@shehzadyounis) December 26, 2024
Палестинската милитантна група Хамас грабна околу 250 луѓе во својот упад на југот на Израел на 7 октомври 2023 година, при што, според израелските бројки, убиени се 1200 луѓе. Во последната војна во Газа израелските сили убија повеќе од 45.300 Палестинци, според здравствените службеници во енклавата што ја управува Хамас.
Предлозите на израелските ултранационалисти Тел Авив да може да ги промени правилата на подрачјето на џамијата во минатото предизвикаа насилни судири со Палестинците.
Бен-Гвир во август го повтори барањето на Евреите да им се дозволи таму молитва, што доведе до остри критики.
