сабота, 20 април 2024

Израелски медиуми: Постигнат напредок кон договорот за прекин на огнот

Посредниците направија чекор напред кон постигнување договор за прекин на огнот меѓу Израел и палестински Хамас, како и за ослободување на заложниците држени во Појасот Газа и палестинските затвореници во израелските затвори, објавија денеска израелските медиуми.

Епа

Објавено на

часот

Сподели

Воениот кабинет на Израел одржа конференциски повик во саботата вечерта за да разговара за предложениот париски договор, во кој Израел учествуваше со посредници од САД, Египет и Катар.

Неколку израелски медиуми, повикувајќи се на неименувани извори, соопштија дека Израел премолчено го одобрил договорот и дека ќе испрати делегација во Катар на понатамошни разговори.

Хамас нагласи дека тој сè уште не е вклучен во последниот предлог, но извештаите во медиумите се совпаѓаат со претходните барања на милитантната група за првата фаза од прекинот на огнот. Политичкиот лидер на Хамас, Исмаил Ханије, беше во Каиро минатата недела.

Израел, во меѓувреме, развива планови за проширување на својата копнена офанзива кон јужниот град Рафа, на границата со Египет, во кој живеат повеќе од половина од населението на енклавата. Хуманитарните работници предупредија на потенцијална катастрофа, САД и другите сојузници на Израел изјавија дека цивилите мора да бидат заштитени.

Израелскиот премиер Бенјамин Нетанјаху рече дека оваа недела ќе и го пренесе на владата „одобрувањето на оперативните планови за акција во Рафа“, вклучително и евакуација на цивилите.

ТОП ВЕСТИ

ПОСЛЕДНИ ВЕСТИ