Четворица демонстранти, меѓу кои и малолетник, беа уапсени на протест на контролен пункт во градот Таркумија, западно од градот Хеброн, окупиран од Израел, на Западниот Брег, се вели во соопштението на адвокатите кои ги застапуваат демонстрантите.
На снимките објавени на социјалните мрежи се гледа како демонстрантите ги фрлаат неопходните работи од камионите на земја, а содржината од картонските кутии се истура на патот.
Children in Gaza are not starving, children in Gaza are BEING STARVED
Is it self-defense when you attack and destroy humanitarian aid to a starving children in Gaza? pic.twitter.com/56ZV8GV5RS
— Mohamad Safa (@mhdksafa) May 13, 2024
Четири лица беа уапсени минатата недела на југот на земјата на сличен протест на Израелците, кои се противат на испраќање хуманитарна помош во областа под контрола на исламистичкото движење Хамас, според нивните адвокати.
„Поради инцидентите со нарушување на јавниот ред и мир, кои се случија денеска, полицијата започна истрага која доведе до апсење на голем број осомничени“, се вели во соопштението на израелската полиција, додавајќи дека истрагата сѐ уште е во тек.
Израел се соочи со силен меѓународен притисок да го зголеми протокот на помош за Газа, каде меѓународните организации предупредија на сериозна хуманитарна криза која се заканува на населението од над два милиони луѓе.
Израелските власти вчера соопштија дека е отворен нов премин на северот на Газа и дека наскоро ќе биде отворено привремено пристаниште, изградено од Соединетите Американски Држави.
