„За време на операцијата на воздухопловните сили во последните 24 часа беа погодени командните бази на терористичката организација Хамас. За време на таа операција, убиен е Мурад Абу Мурад, водачот на воздушните операции на Хамас во Газа, одговорен за голем дел од смртоносната офанзива започната во саботата против Израел“, се вели во соопштението на портпаролот.
Пред една недела Хамас го започна нападот без преседан врз Израел. Во нападот загинаа повеќе од 1.200 лица, по што Израел изврши одмазднички воздушни напади врз Појасот Газа, во кои досега загинаа 1.900 лица, а стотици илјади се раселени.