Иако очевидци видоа тенкови во центарот на градот на почетокот на неделава, засега немаше потврда дека копнените сили влегле во областа.
На почетокот на неделава израелски војници влегоа во западниот кварт на Рафа Тел ал Султан, а очевидци изјавија дека имало жестоки борби со борци на Хамас.
Во денешното соопштение пишува дека војниците пронашле ракетни фрлачи и тунели во центарот на Рафа, а уништиле и складиште за оружје.
Не е прецизирано каде се изведуваат операциите во центарот на Рафа, но во претходните соопштенија и изјави на очевидци се споменуваат рации во бегалскиот камп Шабура и други места во близина на центарот на градот.
Операцијата во Рафа беше дочекана со остри критики на меѓународно ниво, вклучително и меѓу најблиските сојузници на Израел.
Кога во март беше прашан дали инвазијата на Рафа ќе биде „црвена линија“, американскиот претседател Џо Бајден изјави за Ем-ес-ен-би-си дека тоа е „црвена линија“.
Претходно во мај тој на Си-ен-ен се закани дека ќе ја ограничи испораката на американско оружје за Израел доколку еврејската држава ја нападне Рафа.
Пред една недела, Меѓународниот суд на правдата во Хаг му нареди на Израел веднаш да ги прекине воените операции во Рафа.
