петок, 19 април 2024

Израелската војска ги повика жителите на Газа да се евакуираат, Хамас да останат во своите домови

Хамас денеска им порача на Палестинците кои живеат во Газа да не ги напуштаат своите домови, се вели во соопштението испратено до медиумите, откако Израел нареди евакуација на стотици илјади луѓе.

Објавено на

часот

Сподели

Управата на Хамас задолжена за бегалци им порача на жителите на северот „да останат цврсти“ во своите домови пред „одвратната психолошка војна што ја води окупаторот“.

„Окупаторите шират лажна пропаганда со различни средства, со цел да создадат конфузија кај граѓаните и да ја поткопаат стабилноста на нашиот внатрешен фронт“, се вели во соопштението.

Вработените во „меѓународните институции“ останаа на своите места и не се евакуираа, се вели во соопштението за медиумите.

Израел нареди евакуација на северниот дел на Газа, вклучувајќи го и градот Газа.

Палестинците можат да одат само на југ од тесниот појас долг 40 километри откако Израел воведе целосна опсада.

Портпаролот на израелската војска Џонатан Конрикус најави дека армијата ќе дејствува со „значителна сила“ во Газа во наредните денови и ги повика цивилите да се евакуираат за да ги нападнат екстремистите на Хамас.

Половина од 2,3 милиони Палестинци во Газа на кои им е наредено да се евакуираат се обидуваат да ја сфатат наредбата. Со прекинот на интернетот и телефонските врски, Палестинците велат дека има малку информации и многумина не ги слушнале директните наредби на армијата за евакуација.

Конрикус, како и главниот воен портпарол Даниел Хагари, најавија дека армијата ќе вложи големи напори да не ги повреди цивилите, кои не се непријатели и кои не сака да ги таргетира, па затоа треба да се евакуираат.

Жителите на северот на Газа утринава известија дека улиците и бегалските кампови во областа се целосно празни бидејќи луѓето останале во своите домови обидувајќи се да одлучат што да прават.

На улиците нема возила освен амбулантни возила.

Во војната меѓу Хамас и Израел од саботата загинаа најмалку 2.800 луѓе од двете страни.

ТОП ВЕСТИ

ПОСЛЕДНИ ВЕСТИ