Шефот на Хамас Исмаил Ханија исто така ја коментираше смртта на своите синови и внуци, велејќи дека Израел го направил тоа „во духот на одмаздата“. Тој за катарската телевизија Ал Џезира изјави дека неговите синови „станале маченици на патот кон ослободувањето на Ерусалим и џамијата Ал Акса“.
„Злосторничкиот непријател е воден од духот на одмаздата и не цени никакви стандарди или закони“, рече Ханија, кој живее во егзил во Катар.
Хамас пред половина година го нападна Израел и уби околу 1.200 луѓе, главно цивили, а киднапираше околу 200 цивили и ги одведе во Газа. Убиените израелски цивили често биле мачени пред нивната смрт, а има веродостојни извештаи дека терористите на Хамас силувале и сексуално злоставувале голем број израелски жени за време на нападот.
Тој рече дека убиствата нема да извршат притисок врз Хамас да ја омекне својата преговарачка позиција. „Непријателот верува дека со убиството на семејството на лидерот ќе го принудат Хамас да се откаже од барањата на нашиот народ“, рече тој.
„Секој кој верува дека убиството на моите синови ќе го принуди Хамас да ја смени својата позиција, се залажува себеси“, додаде тој.
