Живата во термометарот се искачи на 42 степени Целзиусови во јужниот италијански град Фоџа, додека хотелите на Сицилија, наводно, почнале да ги одвраќаат туристите поради невидената суша на островот, пренесува Курир.
На Балеарските Острови е забележано цунами додека поројните дождови опустошија алпско село во Франција, принудувајќи ги жителите да се евакуираат со хеликоптери.
Majorca hit by meteo-tsunami 2006024,mega wave as shock vid shows ocean swallow up shore roads(Spain)
The sea level rose sharply and flooded parts of Puerto Alcudia, on the northeast coast of Majorca. pic.twitter.com/ykUsXQBOAO— john l (@Maeestro) June 20, 2024
Повеќе од 10 лица загинаа, десетици се повредени во големиот пожар што зафати неколку села во Турција во областа меѓу провинциите Дијарбакир и Мардин. Турција е зафатена од сушен период кој овозможува пожарите брзо да се шират. Министерот за здравство Фахретин Коча на својот профил на социјалната мрежа Икс објави дека шест лица се во тешка состојба.
#BREAKING: MASSIVE FIRE ERUPTS IN DIYARBAKIR, TURKEY 🔥🇹🇷
A powerful fire has broken out in Diyarbakir, Turkey. Reports indicate that the blaze is uncontrollable at the moment. Firefighters are struggling to contain the inferno.#turkey #fire pic.twitter.com/J2S4WrU925
— Genius Bot X (@GeniusBotX) June 21, 2024
Властите во соседна Грција евакуираа неколку села јужно од Атина и во регионот на јужниот дел на Пелопонез поради шумските пожари кои се надвор од контрола. На пожарникарите на теренот им помогнале авиони кои посипувале вода. Поширокиот регион на Атина во петокот беше во екот на вонредна состојба на пожари поради временската прогноза со забрана за влез во шуми и паркови.
Италија, исто така, се подготвува за шумски пожари со предупредување дека топлотниот бран во комбинација со сувите услови може да создаде идеални услови за шумски пожари во области како Сардинија и Сицилија.
Локалните медиуми пренесуваат дека на Сицилија се забележани 48,8 степени – највисока температура во Европа од 2021 година. Хотелите во Агриденто повеќе не нудат ноќевање со појадок бидејќи залихите на вода се при крај. Франческо Пикарела, локалниот шеф на хотелската асоцијација, вели дека водоснабдувањето се вклучува два или три пати неделно.
„Сите куќи имаат цистерни за складирање вода, но за некои тоа не е доволно. Местата без вода ги пренасочуваат туристите во други куќи. И тоа само што започна летото“, вели Пикарела.
Хрватскиот климатолог Лидија Срнец наведува дека порастот на температурата влијае на сите живи суштества и дека губењето на ведрите годишни времиња е неповратна последица на климатските промени.
Повеќе од 1.000 аџии загинаа поради топлотниот бран што ја погоди Саудиска Арабија за време на најголемиот собир на муслимани во светот.
