38 обвинети, главно инкасатори на наплатните рампи, најавуваат дека ќе ја тужат државата и ќе бараат максимум отштета по сите можни основи.
Апелацискиот суд досега три пати го враќаше предметот пред Кривичниот суд, а имаше и осудителни, условни и ослободителни пресуди. Досега се одржале повеќе од 130 рочишта.
Спектакуларното апсење на овие луѓе со специјалци почна во ноември 2007 година и траеше неколку дена, а тогашната министерка за внатрешни работи Гордана Јанкулоска пред јавноста тогаш истакна дека се реализирала најголемата, најдолгата и најмасовната операција досега.
