Пожар рано изутринава избувна во угостителски објект во зградата на Градски пазар, на булеварот Туристичка во Охрид.
Пожарот бил пријавен триесет минутги после три часот утрово во Територијалната противпожарна единица која веднаш интервенирала со две возила, со што било спречено ширење на пламенот на другите дуќани во пазарот.
Во тек е увид на лице место, а истрагата треба да ги утврди причините за пожарот во кој е предизвикана поголема материјална штета.
