Микис Теодоракис роден во 1925 година, а почина во 2021 година е еден од најголемите композитори на 20 век. Неговото име е нераскинливо поврзано со музиката за филмот „Гркот Зорба“, која стана светска икона, но и со партитури за „Серпико“ и бројни симфонии, ораториуми и камерни дела. паралелно со неговото уметничко творештво, Теодоракис остана запаметен и како симбол на демократските идеали, што ја претвори неговата музика во универзален јазик на надеж и достоинство, велат од организаторот.
„Веруваме дека универзалноста на музиката на Теодоракис е она што и денес ја
прави блиска и разбирлива за сите генерации. Таа носи порака што ги надминува
границите и културните разлики и ги поврзува луѓето низ емоцијата, уметноста и
заедничките вредности, изјавија организаторите на концертот“, велат од Баги комуникации.
Оттаму нагласуваат дека на концертот во Скопје ќе настапат реномираните грчки музичари Клеоники Демири (вокал), Акилиас Гуастор (пијано), Лефтерис Гривас (хармоника) и Димитрис Куфогиоргоc (мандолина и бузуки). Демири е позната по своите интерпретации на големите имиња од грчката музика и настапи на бројни сцени во Европа, додека нејзините соработници се искусни инструменталисти со богата концертна кариера. Заедно, тие ќе претстават избор од најзначајните дека на Теодоракис од познатите филмски теми до помалку изведуваните композиции.
Билетите се достапни онлајн преку платформата mtickets.mk. ![]()
Микис Теодоракис го посетил Скопје неколку недели откако грчки новинари открија дека гробот на Гркот Зорба е во Скопје, а за да го претстави своето музичко дело „Зорба Гркот“ во Македонскиот народен театар во Скопје, на концерт, на кој присуствувал и тогашниот македонски претседател Киро Глирогов.
Микис Теодоракис, кој имаше антимакедонски ставови, почина на 96 години во грчката престолнина Атина.
Теодоракис е роден на 29 јули 1925 година на грчкиот остров Хиос, а во текот на неговиот живот, освен со музиката, се занимавал и со политика.
Во најголем дел од 1980-ите години беше пратеник од редовите на Грчката комунистичка партија, за потоа да стане министер во конзервативната влада на премиерот Константин Мицотакис. Еден од неговите последни јавни политички настапи беше говорот на масовниот протест против Преспанскиот договор во 2018 во Атина. Порача дека постои само една Македонија, а таа според него е, беше и секогаш ќе биде грчка.
.
