Па не баш дека сите на планетава ќе станеме милијардери ако некако стигнеме до астероидот и се фрлиме на копање, зашто кога Земјата одеднаш би добила толку многу злато, неговата вредност би се урнала речиси до нула.
Asteroid Psyche 16 contains gold worth $10,000 quadrillion, potentially making each person on Earth a billionaire if mined. pic.twitter.com/y8bvGAKMeq
— Space and Technology (@spaceandtech_) December 9, 2025
Како и да е, еден од најинтригантните објекти во главниот појас на астероиди, Психа е огромен астероид богат со метал, кој се наоѓа околу трипати подалеку од Сонцето отколку Земјата.
Психа има неправилна, компиреста форма. Кога би го пресекле хоризонтално на екваторот – замислете сплескан овал – би измериле 280 километри во ширина на најшироката точка и 232 километри во должина. Неговата површина изнесува 165.800 квадратни километри.
Сѐ до неодамна, научниот консензус беше дека астероидот Психа се состои главно од метал. Поновите податоци укажуваат дека астероидот веројатно е мешавина од метал и силикати, истиот материјал што се наоѓа во стаклото и песокот. Најдобрите анализи покажуваат дека Психа најверојатно е составена од мешавина од карпа и метал, при што металот сочинува 30% до 60% од нејзиниот волумен. Составот на астероидот е утврден преку радарски опсервации и преку мерења на неговата термичка инерција (колку брзо едно тело апсорбира или повторно зрачи топлина).
Со комбинирање на радарски и оптички опсервации, научниците создадоа 3Д-модел на Психа, кој покажува докази за две кратеровидни вдлабнатини. Тоа сугерира дека постојат значителни варијации во металната содржина и бојата на астероидот низ неговата површина. Но сѐ додека мисијата „Психа“ на НАСА за првпат не го види астероидот Психа одблиску, нема да знаеме како точно изгледа, вели НАСА.
