Фондацијата Интернет воч (ИВФ) примила 392.660 пријави за потенцијално спорни страници со фотографии во 2023 година, од кои 275.655 се покажале неосновани.
Од нив, 107.615 или 39 отсто содржат фотографии од деца до 10 години, што е зголемување за 25 отсто во однос на 2022 година.
Вкупно 254.070 или 92 отсто од страниците пријавени во 2023 година го содржеле она што се класифицира како фотографии или видеа што се создадени од самите деца, кои предаторите користејќи веб-камери или ги измамуваат, или ги принудуваат да снимаат непристојни снимки од себе.
Од страниците што содржат „самогенерирани“ слики, повеќе од една петтина (21%, или 54.250 веб-страници) содржат најтешка злоупотреба (позната како категорија А). Ова може да вклучува пенетрација, бестијалност и сексуална тортура, соопшти ИВФ. Една година пред тоа, 16 проценти припаѓале во најлошата категорија.
Извршната директорка на ИВФ, Сузи Харгривс, рече: „Фотографиите што се изнудени или што деца-основци биле принудени да ги направат сега во шокантни бројки го наоѓаат својот пат до најекстремните страници за сексуална експлоатација на деца“.
„Она што се случува во детската соба, преку веб-камера, се споделува, со него тргуваат и го собираат посветени и решителни сексуални предатори.“
„ИВФ гледа вакви резултати во невиден број. Овие криминалци се немилосрдни“, додаде таа.
