Ивановски падна за 16 позиции на АТП листата и сега се наоѓа на 325. место со 159 поени, односно 14 помалку од претходното рангирање.
Горазд Србљак со пад од седум позиции е на 1.054 место, назадување од седум места има и Обрад Марковски кој е на 1.465 позиција.
Оваа недела ранг под македонско знаме има и 22-годишниот Мејсон Наумовски кој е на 1.987 место.
Во конкуренција на двојки, Калин Ивановски има пад од пет места и во моментов е на 674. место.
Магдалена Стоилковска напредуваше за 33 позиции на ВТА листата, сега се наоѓа на 1.230 место.
Нашата најдобра тенисерка, Лина Ѓорчевска има пад од три места и сега е на 215. позиција.
