„Осомничениот Гани Марку, на 15 јули 2023 година, во Ханиоти, Република Грција, заедно со уште едно засега непознато лице, со умисла го лишиле од живот сега покојниот Орхан Бајрами, а ги довеле во опасност и животите на уште четири лица”, информираат од ОЈО.
Според обвинителството, Марку заедно со неговиот соизвршител маскирани пристигнале во туристичкиот комплекс каде бил сместен Бајрами и се приближиле до отворената задна балконска врата. Марку со пиштол ‘црвена застава’ со калибар 7,65 мм со пригушувач испукал 11 куршуми, а неговиот соучесник со пиштол од ист калибар уште 8 куршуми во правец кон оштетените. Од куршумите, три завршиле во телото на Бајрами нанесувајќи му смртоносни повреди.
Марку е дел од групата Барон – Беланоца од скопското подземје заедно со групата Дуќанџик. Се претпоставува дека убиството било дел од пресметката на бандите за превласт на скопскиот нарко пазар.
Гани Марку, порано Туша, е повратник од Сирија каде се борел во редовите на терористичката Ал Нусра и е осомничен и за ликвидацијата на Јетон Кривањева – Жила и Енес Исеинов-Љаци, во „Шиша бар“.
Марку е во притвор за предизвикување општа опасност. Грчките истражни органи издале меѓународна потерница по Туша, но кривичното гонење е отстапено на на скопското обвинителство. Со новата истрага за убиството на Оки тој останува во притвор.
