среда, 29 мај 2024

Иран осуди познат режисер на камшикување и 8 години затвор

Суд во Иран го осуди познатиот филмски режисер Мохамед Расулоф на осум години затвор и камшикување за злосторства против националната безбедност, изјави вчера неговиот адвокат.

Фото: ЕПА

Објавено на

часот

Сподели

Бабак Пакнија наведува дека судот утврдил дека филмовите и документарните филмови на Расулоф се „примери за заговор со намера да се изврши злосторство против безбедноста на земјата“. Судот, исто така, изрече неодредена парична казна и нареди заплена на имотот на Расулоф, додаде Пакнија.

Расулоф ја освои Златната мечка за 2020 година за најдобар филм на Берлинале за „Не постои зло“, а неговиот филм „Човек со интегритет“ го доби признанието „Извесен поглед“ во Кан 2017 година. Последното дело на писателот и режисер, „Семето на светата смоква“ премиерно треба да се прикаже следната недела на Канскиот филмски фестивал во Франција.

Непосредно пред прикажувањето на новиот филм, иранските власти испрашувале некои актери и им забраниле да ја напуштат земјата, а на Расулоф му рекле да го повлече филмот од фестивалот, тврди Пакнија.

Во 2022 година, иранскиот суд го осуди Расулоф на една година затвор и му забрани да снима филмови на две години, бидејќи, како што се вели, вршел пропаганда против системот.

Иранската независна асоцијација на режисери ја критикуваше последната казна: „Независните кинематографери ја осудуваат неважечката пресуда против Мохамад Расулоф и стојат покрај него и сите уметници кои се потсмеваат на цензурата на владата“.

ТОП ВЕСТИ

ПОСЛЕДНИ ВЕСТИ