Во соопштението цитирано од државните медиуми, разгранок на иранските вооружени сили соопшти дека гаѓале одредени локации во Израел со десетици беспилотни летала и проектили.
Израелските медиуми објавија дека беспилотните летала би можеле да почнат да пристигнуваат околу 2 часот по локално време (1 часот по полноќ по наше време), но проектилите би можеле да пристигнат и порано.
#BREAKING IRGC confirms attack on Israel.
"In response to the Zionist regime's crime in attacking the consular section of the Iranian embassy in Damascus, the Revolutionary Guards Air Force hit certain targets in the territories of the Zionist regime with dozens of drones and… pic.twitter.com/nG6t6AxXpN
— Clash Report (@clashreport) April 13, 2024
„Како одговор на злосторството на ционистичкиот режим при нападот на конзуларното одделение на иранската амбасада во Дамаск, воздухопловните сили на Револуционерната гарда погодуваат одредени цели на териториите на ционистичкиот режим со десетици беспилотни летала и проектили“, соопшти Иранската револуционерна гарда.
Врховниот лидер на Иран, ајатолахот Али Хамнеи, објави видео на Икс (Твитер) во кое вети дека „злонамерниот ционистички режим на Израел“ ќе биде казнет.
„Овој злонамерен режим на своите грешки им додаде уште една грешка со нападот на иранскиот конзулат во Сирија. Конзулатите и амбасадите во која било земја каде што постојат се сметаат за територија на земјата на која амбасадата ѝ припаѓа. Нападот на нашиот конзулат е како напад на нашата територија. Злонамерниот режим направи погрешен потег во овој случај, и ќе биде казнет.“
The malicious Zionist regime will be punished pic.twitter.com/2miQi2JoiI
— Khamenei.ir (@khamenei_ir) April 13, 2024
