„Нуклеарната програма на Иран отсекогаш била – и секогаш ќе остане – само за мирољубиви цели“, рече тој. „Затоа, во основа не постои такво нешто како нејзина ‘потенцијална милитаризација’“.
Арагчи додаде дека Иран во моментов преговара со европските земји, како и со Русија и Кина.
„Во моментов сме во разговори со Е3 – и одделно со Русија и Кина – на еднаква основа и со взаемно почитување. Целта е да се истражат начини за градење поголема доверба и транспарентност во нашата нуклеарна енергетска програма во замена за укинување на незаконските санкции“.
Iran’s nuclear energy program has always been—and will always remain—entirely peaceful. There is fundamentally therefore no such thing as its “potential militarization”.
We will NOT negotiate under pressure and intimidation. We will NOT even consider it, no matter what the…
— Seyed Abbas Araghchi (@araghchi) March 9, 2025
Американскиот претседател Доналд Трамп изјави дека испратил писмо до иранското раководство во четвртокот, изразувајќи надеж дека Иран е подготвен да преговара за својата нуклеарна програма. Во интервју за Фокс бизнис, Трамп рече дека претпочита преговори со Иран, но нема да се двоуми да дејствува.
