Сириските војници се вратени на нивно барање и влегоа преку граничниот премин Ирак-Сирија, се вели во соопштението. „Во координација со некои актери од сириската страна, 1.905 сириски офицери и војници беа легално предадени на силите од сириската страна на граничниот премин Ал-Каим“, стои во соопштението.
Нивното оружје останува во сопственост на ирачкото Министерство за одбрана и ќе биде предадено на новата сириска влада кога ќе биде формирана, се додава. Војниците ја преминаа границата со Ирак непосредно пред сириските бунтовници предводени од Ахмед ал-Шара да го заземат главниот град Дамаск без отпор на 8 декември по молскавичното напредување кое го принуди Асад да побегне во Русија.
Сириската висока команда на чело со Шара назначи привремена влада со Мохамад ал Башир за премиер. Ирачката армија соопшти дека сириските сили биле вратени откако им било ветено дека ќе бидат вклучени во амнестијата издадена од новата сириска влада.
„Ирачките безбедносни сили ги повикуваат актуелните сириски власти да се грижат за вратените офицери и војници, да ги вклучат во амнестијата и да обезбедат нивно враќање во семејствата кои ги чекаат, во согласност со стандардите за човекови права и со добра волја“, се вели во соопштението.
