Американската аналитичка група Институт за проучување на војната (ИСВ) смета дека Путин манипулира со нејаснотиите околу времето и деталите на ограниченото примирје, за однапред „лажно да го обвини Киев за кршење на договорот“, иако тој уште не е стапен на сила.
ИСВ оценува дека тврдењата на Москва дека се придржува до примирјето, додека истовремено го обвинува украинското раководство за негово кршење, се неточни, бидејќи не е постигнат официјален договор за спроведување.
„Тактиката на Путин создава забуни и префрлање на вината на Киев, дури и пред примирјето да стапи на сила, што покажува дека би можел да ги злоупотребува идните договори“, заклучува ИСВ.
