понеделник, 4 март 2024

Инспектори ќе проверуваат кои деца во градинките не се вакцинирани со ДиТеПер

Министерот за труд и социјална политика во техничката Влада, Ѓоко Велковски денеска изјави дека инспекциски служби ќе проверуваат во градинките каде нема вакцинирани деца со ДиТеПер ( дифтерија, тетанус и пертусис) вакцината и ќе интервенираат, за да се спречи епидемија на голема кашлица.

Објавено на

часот

Сподели

„Од Комисијата за заразни болести има заклучоци и истите треба да бидат одобрени на владина седница. И во закон стои дека секое дете кое што нема примено одредена вакцина не ќе може да биде дел од системот на детска заштита. Ќе ги провериме градинките и нашите инспекциски служби ќе видат каде треба да интервенираме за тоа да биде пракса и за да го спречиме ширењето на оваа епидемија, барем во Скопје како жариште во овој момент“, рече Велковски.

По 18 потврдени случаи на голема кашлица, од кои 14 во Скопје, Комисијата за заразни болести вчера препорача прогласување епидемија во Скопје. Бројот на заболени е во пораст, денеска е соопштено дека се потврдени уште четири случаи на болеста, и сега бројот на лабораторски потврдени случаи се искачи на 24. Но заблоените случаи не се поврзани еден со друг, па тоа е и главната причина за прогласувањето епидемија во Скопје.

Се предлага вакциналните пунктови да работат во две смени, а дополнително да се работи и во сабота. Препорака е и да се забрани прием на невакцинирани деца за пертусис во градинките.

Комисијата очекува овие мерки да го поттикнат интересот за вакцинација, бидејќи фокусот е заштита на најмалите.

Претседателот на Комисијата за заразни болести, Александар Петличковски вчера на прес-конференција рече дека прогласувањето на епидемија звучи малку страшно, но, дека реално треба да се олесни справувањето со ризикот што доаѓа со оваа болест.

ТОП ВЕСТИ

ПОСЛЕДНИ ВЕСТИ