Како што соопштуваат од ДИЖС, на 14 март во 6:30 часот дошло до пукање на цевката во должина од околу 6 метри, која го снабдува погонот Флотација. Поради големиот притисок и висинската разлика, водата се излеала низ индустрискиот круг и на крајот се слеала во реките, предизвикувајќи заматување на водата. Инцидентот бил забележан од страна на инспекторите на ДИЖС, Зоран Стојнев и Благој Игновски, кои вршеле инспекциски надзор, во присуство на претставници на правниот субјект „Булмак“.
Одговорните лица во рудникот известиле дека причината за заматувањето на водата е механичкото заматување на јамската вода поради работните активности во јамските простории, движењето на механизацијата и работниците. Проблемот беше решен во текот на денот, кога цевката беше целосно заменета околу 15:00 часот, со што беше елиминирана опасноста од понатамошно излевање на јамска вода.
Од ДИЖС велат дека по комплетирање на целосната инспекциска документација, ќе бидат преземени мерки и санкции согласно законската регулатива, а инспекцискиот извештај ќе биде објавен во наредните денови.
