Од минатиот месец се жалат одговорните лица кои ја вршат административната работа за вработените во институциите и претпријатијата да можат да земат плата, дека добро не функционира платниот промет.
„Денеска мислам дека проблемот е недостиг на средства во Трезор, односно чекањето повеќе од два часа на секоја странка за да дојде прилив на пари во системот па да може да се потпишат и да се реализираат налозите за вработените во јавните установи да можат да земат плата, односно, да легнат пари на сметките“, ни изјави благајничка во едно скопско основно училиште.
Таа ни рече дека од службите во Трезор за долгото чекање се правдаа со бавност и повремено паѓање на системот.
МКД.мк минатиот месец објави дека системот на платниот промет на Министерството за финансии беше нападнат од хакери па платните налози во државните институции мораше да се подготвуваа рачно, а дури и нашите новинарски прашања до министерството ги пративме преку апликациата вибер бидејќи ниту службените мејлови на функционираа. Дали системот профункционира во полн капацитет?
