„Бајденовото доделување на Медалот на слободата на Сорос е пародија“, напиша Маск на социјалната мрежа Икс.
A travesty that Biden is giving Soros the Medal of Freedom https://t.co/LGvGe8kqKE
— Elon Musk (@elonmusk) January 4, 2025
Покрај тоа, Маск се потсмева и со врачувањето на медалот објавувајќи монтирана фотографија од Бајден како стои покрај императорот Палпатин, главниот негативец од филмскиот серијал „Ѕвездени војни“.
„Џорџ Сорос тука изгледа одлично. Можеби е до светлото“, напиша Маск.
George Soros looking quite good here. Must be the lighting. pic.twitter.com/gNHhKyd2GQ
— Elon Musk (@elonmusk) January 5, 2025
Претседателскиот Медал на слободата е едно од највисоките цивилни признанија во Соединетите Американски Држави и се доделува секоја година за придонес на унапредувањето на националните интереси во различни области, вклучувајќи ги културата и спортот.
На заминување од Белата куќа Џо Бајден додели 19 Медали на слободата, а меѓу одликуваните се поранешната шефица на дипломатијата Хилари Клинтон, американскиот милијардер и ментор на голем број невладини организации Џорџ Сорос, пејачот на групата Ју-ту Боно Вокс, глумецот Мајкл Џ. Фокс, уредничката на модното списание Вог Ана Винтур и други.
Сорос е официјално награден бидејќи „поддржувал организации и проекти ширум светот кои ги јакнат демократијата, човековите права, образованието и социјалната правда“, но критичарите на Бајден оценуваат дека медалот е „заслужен“ со нескриените ставови против Трамп.
