среда, 21 февруари 2024

Илјадници луѓе во Приштина му дадоа поддршка на поранешниот претседател воочи судењето во Хаг

Објавено на

часот

Сподели

Тачи, кој е херој меѓу своите сонародници за водењето на востанието против српската власт во 1998/1999 година, кое на крајот доведе до независност на Косово, е обвинет по десет точки за прогон, убиства, тортура, присилно исчезнување на лица и други сторени злосторства за време на борбата за независност.

54-годишниот поранешен претседател и поранешен лидер на Ослободителната војска на Косово (ОВК) веднаш по обвинението поднесе оставка од функцијата шеф на државата и се пријави во притворското одделение на судот во Хаг.

Тројца од неговите најблиски соработници, вклучително и двајца поранешни претседатели на парламентот, се соочуваат со истото обвинение како поранешни герилци на Ослободителната војска на Косово (ОВК). Покрај Тачи, во истото обвинение се вклучени и Кадри Весели, Јакуп Красниќи и Реџеп Селими. Сите се изјаснуваат дека не се виновни.

Но, за многумина во Косово, поранешните герилци се херои. Неколку илјади демонстранти, кои дојдоа од сите делови на Косово во Приштина, носеа транспаренти на кои, меѓу другото, пишуваше: „Правда, а не политика“ или „Нашата историја не може повторно да се напише“.

„Со нив сме засекогаш“, рече Мемли Красниќи, шеф на Демократската партија на Косово. „Воопшто не се сомневаме дека тие ќе се вратат како победници, на ист начин како што се вратија како ослободители, бидејќи тие се живи херои“, заклучи тој.

ТОП ВЕСТИ

ПОСЛЕДНИ ВЕСТИ