Осомничениот е уапсен. Ен-би-си и Фокс њуз пишуваат дека се работи за 58-годишниот Рајан Весли Рут.
BREAKING.🚨
Alleged Trump golf course attacker has been identified as Ryan Routh.
The suspect was found hiding in the bushes, armed with an AK-47 equipped with a scope, carrying two backpacks, and wearing a GoPro, according to law enforcement sources.
Secret Service agents,… pic.twitter.com/g9u5y9fYxx
— Kyle Becker (@kylenabecker) September 15, 2024
Вашингтон пост објави дека Трамп играл голф на теренот кога се случил инцидентот. Шерифот на округот Палм Бич на прес-конференција рече дека осомничениот бил во грмушките покрај теренот за голф кога агентите на тајната служба, кои го проверувале теренот, ја забележале цевката од пушката.
Агентите пукале кон него, а тој фрлил автоматска пушка слична на АК-47, два ранци и други предмети и побегнал со црн автомобил Нисан.
Police say this is the gunman’s AK-47 along the fence line of the Trump golf course. pic.twitter.com/qqYDJshMHG
— Brian Entin (@BrianEntin) September 15, 2024
Сведок го видел осомничениот и го фотографирал неговиот автомобил и регистарски таблички, а замениците на шерифот го забележале и го запреле во соседната област.
Мажот приведен по пукањето беше „релативно мирен“, изјави шерифот на округот Мартин, Вилијам Д. Снајдер.
„Не покажуваше многу емоции. Не ни праша за што се работи“, изјави шерифот.
Снајдер изјави дека осомничениот не бил вооружен кога полицијата го извадила од автомобилот. Снајдер, исто така, истакна дека истрагата ќе ја преземе ФБИ, заедно со шерифот на округот Палм Бич и американската Тајна служба.
Снајдер додаде дека пред да биде запрено возилото, голем дел од автопатот бил блокиран, пред сомнителното возило конечно безбедно да биде запрено.
Трамп бил засолнет на безбедно веднаш штом бил забележан напаѓачот. Подоцна самиот се огласи дека е добро.
Неименуван полициски функционер рекол дека Трамп бил оддалечен од 300 до 400 метри од осомничениот или една или две дупки на теренот за голф.
Трамп беше повреден во атентатот во Пенсилванија на 13 јули, што покрена многу прашања за безбедноста на претседателските кандидати пред изборите на 5 ноември.
Белата куќа објави во соопштение дека претседателот Џо Бајден и потпретседателката Камала Харис биле известени за инцидентот и дека им олеснало кога дознаеле дека Трамп е безбеден.
