Според извештајот, Иран сега поседува 142,1 килограми ураниум збогатен до 60 отсто, што е за 20,6 килограми повеќе во однос на податоците од последниот извештај, направен во февруари 2024 година.
Збогатеноста на ураниумот до 60 проценти чистота е само мал, технички чекор подалеку од збогатеноста до ниво од 90 проценти – што е погодно за вградување во нуклеарна боева глава.
Извештајот покажува дека вкупните резерви на збогатен ураниум во Иран изнесуваат 6.201,3 килограми, што е зголемување за 675,8 килограми во споредба со последниот извештај на ИАЕА.
ИАЕА во новиот извештај соопштува дека Техеран сè уште не ја повлекол својата одлука од септември 2023 година со која се забранува мониторинг на неговата нуклеарна програма, но додаде дека очекува Иран „да го стори тоа како дел од тековните консултации меѓу Агенцијата и Иран“.
Во соопштението се наведува и дека смртта на иранскиот претседател и министерот за надворешни работи во хеликоптерска несреќа довела до пауза во разговорите меѓу ИАЕА и Техеран за подобрување на соработката.