Бунтовниците испукале противбродска крстосувачка ракета кон разурнувач на американската морнарица околу 16:45 часот по локално време вчера, објави денес регионалната команда на американската војска во раните утрински часови на социјалната мрежа Икс.
On Jan. 14 at approximately 4:45 p.m. (Sanaa time), an anti-ship cruise missile was fired from Iranian-backed Houthi militant areas of Yemen toward USS Laboon (DDG 58), which was operating in the Southern Red Sea. The missile was shot down in vicinity of the coast of Hudaydah by… pic.twitter.com/jftZHQhA2e
— U.S. Central Command (@CENTCOM) January 15, 2024
Проектилот го пресретнале американските воздухопловни сили во близина на јеменскиот крајбрежен град Ал Худаид. Нема извештај за жртви или штета.
Од избивањето на војната на Израел во Газа против палестинската група Хамас, Хутите, кои ги поддржува Иран, напаѓаат бродови во Црвено Море.
Големите бродски компании сè повеќе ја избегнуваат таа рута. САД и Британија неодамна нападнаа позиции на групата во Јемен, со поддршка од Холандија, Канада, Австралија и Бахреин.
Претходно вчера лидерот на либанското движење Хезболах, Хасан Насралах, кажа дека неодамнешните американски напади на Хутите во Јемен ќе му наштетат на бродскиот превоз во Црвено Море.
„Неодамнешната агресија на Јемен претставува американско-британска глупост и американска недоследност“, кажа Насралах во телевизиското обраќање. „Во исто време додека Американците повикуваат да не се шири војната, тие ја прошируваат. Она што Американците го направија во Црвено Море му штети на меѓународното пловење во целина“, додаде шефот на Хезболах.
