Катар и Холандија одиграа исклучително ефикасен натпревар, по едно полувреме им припадна и на двете селекции.
Катарската селекција предводена од Веселин Вујовиќ водеше во најголемиот дел од првото полувреме и со предност од 19-17 замина на одморот.
Во второто полувреме Катар поведе и со највисоки четири разлика, беше 23-19 за нив, но тогаш почна да се буди Холандија. Лалињата во финишот имаа предност од 37-35, но Катарците успеаа да постигнат два гола и да изедначат на 37-37.
Холандија имаше уште 19 секунди за напад, беше направен фаул за девет метри, им останаа само уште три секунди, тогаш Верстајнен со звукот на сирената даде гол за победа од 38-37.
Најефикасни во катарската репрезентација беа Марзо со единаесет и Марковиќ со осум погодоци, а кај Холандија Стеинс постигна седум, Смитс пет гола.
Во овој термин се играше и мечот меѓу Италија и Чешка кој го добија Италијанците со убедливи 25-17.
