ДПА објави дека Убер е казнет за пренос на податоци на возачи во САД, што е кршење на правилата на Европската унија.
Во соопштението се наведува дека различните лични податоци на таксистите на Убер во Европа, како што се банкарски сметки, лиценци за такси, локации, фотографии, информации за плаќање, лични документи, криминални и медицински досиеја, не се соодветно заштитени.
Се додава дека ваквата практика на Убер претставува „сериозно кршење“ на Општата регулатива за заштита на податоците на ЕУ, поради што компанијата е казнета со 290 милиони евра.
Во соопштението се наведува дека европското седиште на Убер е во Холандија и дека истрагата е покрената по жалба на возачи во Франција и дека компанијата го запрела спорниот пренос на податоци.
Убер е американска мултинационална транспортна компанија која обезбедува транспортни услуги, курирски услуги, испорака на храна и карго транспорт. Компанијата е со седиште во Сан Франциско, Калифорнија и работи во приближно 70 земји и 10.500 градови ширум светот.
