Холандија покажа дека е многу посилна од Гвинеја која се покажа како недораснат противник за ова Светско првенство. Според денеска одиграното, тие не би требало да претставуваат потешкотија за Македонија која можеби токму против нив ќе се бори за третото место кое води во наредната група.
Натпреварот беше решен во првото полувреме кое Холандија го доби со 21-8, во вториот дел само рутински ја одржаа предноста зголемувајќи ја за уште четири гола за конечен резултат од 40-23.
Тен Велде со девет голови беше најефикасен во селекцијата на Холандија, кај Гвинеја Епону даде пет погодоци.
