Хезболах соопшти дека со салва ракети гаѓал воена база јужно од Хаифа, а во медиумите извештаи се тврди дека две ракети го погодиле градот, пренесува Ројтерс. Полицијата соопшти дека во нападот се оштетени неколку објекти и дека се примени дојави за полесно повредени луѓе кои се префрлени во болница.
Ова е прв директен напад на северниот град, а ракетите ги избегнале системите за противвоздушна одбрана на израелската војска, меѓу кои фалената „Железна купола“. Војската потврди дека истражува како проектилите на Хезболах успеале да ја пробијат противвоздушната одбрана.
Hezbollah rockets have made impact in Haifa, inside the city itself. pic.twitter.com/LqXqIPwVu2
— Séamus Malekafzali (@Seamus_Malek) October 6, 2024
Во меѓувреме, израелската војска (ИДФ) јави дека авиони на военото воздухопловство погодиле цели на Хезболах во Бејрут, вклучувајќи инфраструктура за собирање разузнавачки податоци, командни и други објекти.
Во текот на изминатите неколку часа во воздушните напади се погодени складишта на оружје на Хезболах во областа на Бејрут, се наведува во соопштението на ИДФ, и се истакнува дека по нападот се забележани секундарни експлозии што, како што се наведува, укажува на присуство на оружје.
