Четвртолигашот Логроњес вчера приреди огромно изненадување во Копа дел Реј и на пенали ја елиминираше Жирона на нашиот Бојан Миовски.
Херој на домаќините беше 19 годишниот Пол Арнау, кој игра како бек, но во финишот од мечот облече ракавици и застана помеѓу стативите. Во пенал серијата, тој успеа да одбрани еден удар од 11 метри, да го натера Стуани да промаши и го однесе својот тим во следното коло.
🦸🏼♂️ Lágrimas en los ojos, mirada al cielo y un héroe sin capa en la #CopaDelReyMAPFRE.
Pol Arnau, lateral e hijo del recordado guardameta Francesc, salvó a la @UDLogrones ocupando la portería en la prórroga e incluso parando un penalti.
Esto es historia.#LaCopaMola🏆 pic.twitter.com/JflEIiNUa3
— RFEF (@rfef) December 5, 2024
По крајот на натпреварот, Пол Арнау излезе со емотивна исповед и го спомна неговиот покоен татко Франсеск Арнау, кој починал во 2021.
„Го имав во мислите мојот татко пред почетокот на пенал серијата, всушност го имав и во текот на пенал серијата, па и потоа“ – вели Пол Арнау.
„Секако дека помислив, „Ова е за тебе тато“. Знам дека ми помагаше. Одиме понатаму благодарејќи на него. Имам ангел во рајот кој ми дава поддршка и кој ми помогна да одбранам пенал“.
„Се надевам дека е горд“.
Франсекс Арнау е поранешен голман на Барселона и Малага, а кога Пол Арнау почнал да игра фудбал, сакал да биде голман исто како неговиот татко, но му било кажано дека самиот треба да одбере позиција на теренот на која ќе биде среќен.
