вторник, 5 март 2024

Хејли загуби од „ниту еден од овие кандидати“ во Невада. Трамп не ни беше меѓу кандидатите

Никој од кандидатите на републиканските прелиминарни избори во Невада не победи, што е големо разочарување за Ники Хејли, која во отсуство на Доналд Трамп, поради изборните правила во таа сојузна држава, практично немаше конкуренција.

Фото: ЕПА

Објавено на

часот

Сподели

Гласачките ливчиња со опцијата „ниту еден од овие кандидати“ биле најбројни, и за нив се одлучиле 61 отсто од гласачите, додека за Хејли гласале 32 отсто од нив, покажаа официјалните резултати. Трамп не беше меѓу кандидатите.

Имено, на републиканците во Невада не им е понудена само една можност, туку две: класичните прелиминарни избори во вторник, и во четврток „кокус“ т.е избор на пратеничката група.

Разликата е во тоа што прелиминарните избори ги организира сојузната држава и гласачите можат да гласаат каде било, во секое време и на кој било начин, на пример со опција за гласање по пошта. За разлика од тоа, „кокус“ го организира партијата и подразбира физичко присуство на гласачот со лична карта во рака, на одредено место и во одредено време.

Републиканската партија во Невада се откажа од прелиминарните избори на ниво на државата и ќе го одржи изборот на пратеничката група два дена подоцна. Покрај тоа, партијата им забранува на кандидатите кои ќе учествуваат на изборите во вторник да учествуваат и на изборите во четврток, но гласачите со право на глас можат да гласаат и на двата избора.

Ники Хејли беше кандидатка на прелиминарните избори во вторникот, но на гласачкото ливче го немаше Трамп. Доналд Трамп пак ќе биде кандидат на изборот на пратеничката група, но противкандидатка нема да му биде Хејли.

За жал за Хејли, само избирачите на пратеничката група ќе одлучат кој ќе ја добие поддршката од делегатите на Невада.

Иако резултатите од прелиминарните избори во Невада во вторникот немаат никакво влијание, тие сè уште се дополнително разочарување за Хејли, која веќе загуби од Трамп на прелиминарните избори во Ајова и Њу Хемпшир, а изгледите за победа во нејзината држава Јужна Каролина исто така изгледаат слабо. Одлуката за претседателските кандидати се носи на малку застарени изборни „кокуси“ во само четири држави: Ајова, Невада, Вајоминг и Северна Дакота.

Невада го промени својот изборен систем во 2021 година по одлуката на поранешниот демократски гувернер на Невада, Стив Сисолак, кој тогаш потпиша закон со кој „кокусите“ кои со години се организираа во таа сојузна држава, ги замени со прелиминарни избори кои исто така дозволуваат гласање по пошта, па гласачите оваа година имаа две опции на располагање.

Сепак, Републиканската партија смета дека гласањето по пошта е подложно на манипулација со резултатите и одлучи да го задржи системот на избор на пратеничка група каде гласачот е должен лично да дојде и да гласа.

ТОП ВЕСТИ

ПОСЛЕДНИ ВЕСТИ