Руските гласачи утрово почнаа да излегуваат на гласање, за тридневните претседателски избори, кои сигурно ќе му донесат на Владимир Путин уште еден шестгодишен мандат на власт бидејќи нема вистински противници.
Гласањето во најголемата држава во светот почна со отворање на избирачките места на рускиот Далечен Исток, а дел од граѓаните решија да го бојкотираат изборниот процес. На социјалните мрежи се појавија видеа од палење гласачки кутии, кабини и ливчиња, експлозии, па дури и фрлање молотови коктели на избирачките места.
🔥🔥🔥 A voter in Moscow 🇷🇺 set his ballot on fire.
👉 The amount of arson today in Russia has never happens before. There are serious cracks in Putin’s “everything is under control” Regime. pic.twitter.com/WIhLIIyblT
— Jason Jay Smart (@officejjsmart) March 15, 2024
Изборите во земјата што опфаќа 11 временски зони ќе траат до недела навечер, кога последните избирачки места во Калининград на Балтичко Море ќе се затворат во 20 часот по локално време.
🔥🔥🔥 And again another voting booth in Moscow 🇷🇺 was set on fire!
👉 This has never happened before during Russian “elections.”
🔥 Hatred of the criminal Putin Regime will explode. pic.twitter.com/5l3ppxEtEU
— Jason Jay Smart (@officejjsmart) March 15, 2024
Веднаш потоа се очекуваат првите прогнози за резултатите. Руските државни агенции за истражување на јавното мислење веќе прогнозираа дека 71-годишниот Путин, кој е на власт речиси четвртина век и бара петти мандат, ќе добие повеќе од 80 отсто од гласовите. Тоа за него би било најголемиот резултат во историјата.
🔥🔥🔥 In St Petersburg, Russia 🇷🇺 a woman threw a Molotov cocktail at the polling station. pic.twitter.com/kFwXaHauoz
— Jason Jay Smart (@officejjsmart) March 15, 2024
Путин има тројца формални соперници, што на изборите им дава привид на веродостојност. Но тие не само што немаат шанси, туку имаат и политички ставови наклонети кон Кремљ и обично го поддржуваат Путин.
На кандидатите што се изјаснија против војната во Украина им беше забрането да се кандидираат.
Вчера беа регистрирани неколку инциденти. На пет избирачки места имало обиди за вбризгување мастило во гласачките кутии, на повеќе избирачки места имало обиди за палење гласачки кутии. Руските закони пропишуваат затворски казни до пет години за такви злосторства.
Она што ги карактеризира овие избори се високите безбедносни мерки. Тие се присутни и на самите избирачки места, се вршат повеќекратни проверки за да може да се гласа. Причини за тоа секако има со оглед на тоа што од утрото во повеќе области е во сила воздушна опасност.
