„Газа, со својот голем народ и издржливост, повторно ќе се крене за да го обнови она што окупацијата го уништи и ќе продолжи по патот на истрајноста додека окупацијата не биде поразена. За 471 ден, систематските злосторства на окупацијата не успеаја да го одвратат нашиот народ и неговата храбра отпорност од приврзаноста за нивната земја и соочувањето со агресија“, се вели во соопштението на Хамас објавено на вториот ден од прекинот на огнот со Израел.
Според здравствените власти во Газа, повеќе од 46.000 Палестинци се убиени во израелските напади, додека во постојаното бомбардирање се уништени училишта, болници и друга инфраструктура, вклучително и патишта.
Новоименуваниот советник за национална безбедност на Доналд Трамп, Мајк Волц, вчера предупреди дека САД ќе го поддржат Израел доколку Хамас го прекрши договорот за прекин на огнот во замена за заложници.
Тој во интервју за програмата „Соочување со нацијата“ на Си-би-ес рече: „Хамас никогаш повеќе нема да владее со Газа. Тоа е целосно неприфатливо“.
