среда, 19 јуни 2024

Хамас ја прифати резолуцијата на Советот за безбедност за прекин на огнот

Хамас ја прифаќа резолуцијата за прекин на огнот на Советот за безбедност на Обединетите нации и е подготвен да преговара за деталите, изјави денеска претставникот на групата Сами Абу Зухри, нагласувајќи дека на Вашингтон е да го принуди Израел да ја почитува нејзината примена.

Илустрација: ЕПА

Објавено на

часот

Сподели

Хамас ја прифаќа резолуцијата за прекин на огнот, повлекувањето на израелските сили и размената на заложници за палестинските затвореници во Израел, рече Зухри.

„Американската влада се соочува со вистински тест за исполнување на своите обврски во однос на притисок врз окупаторот веднаш да ја прекине војната преку спроведување на резолуцијата на Советот за безбедност на ОН“, додаде тој.

Советот за безбедност во понеделникот го поддржа планот на американскиот претседател Џо Бајден за постигнување прекин на огнот во Газа.

За предлог-резолуцијата гласаа 14 земји-членки, додека Русија, една од земјите со право на вето, беше воздржана.

Резолуцијата го поддржува планот претставен од претседателот Бајден, кој предвидува прекин на борбите во Појасот Газа во три фази.

Амбициозниот предлог на Бајден повикува на целосен и неодреден прекин на огнот за шест недели. Во овој период би била ослободена одредена група заложници. За возврат, ќе бидат ослободени и Палестинци од израелските затвори.

Во следната фаза борбите би биле трајно прекинати и останатите заложници би биле ослободени.

Според нацрт-резолуцијата, последната фаза би ја опфатила реконструкцијата на Појасот Газа.

ТОП ВЕСТИ

ПОСЛЕДНИ ВЕСТИ