Дали Хали Бери и Оливие Мартинез се свршени? Пред неколку недели, кога таа беше фотографирана со голем смарагден прстен на домалиот прст, шпекулациите се разгореа. А сега Пипл вели дека е вистина – зашто едно врапче од златарницата „Гуран“ рече дека Оливие навистина ѝ дал свршенички прстен со дијамант и смарагд.
Значи, тој ѝ купил прстен и таа го носи. Но дали тоа е потврда дека двојката, која е заедно од крајот на 2010 откако се сретнаа на снимањето на „Црна плима“, всушност ќе рипне во тавче? Можеби ова е ветувачки прстен или нешто слично. На крајот на краиштата, Хали во 2007 во Инстајл објави: „Никогаш, никогаш повеќе нема да се омажам. Всушност, сега мислам дека двајца луѓе може да го споделуваат животот без никаков прстен, без парчето хартија.“
Значи да, тоа е прстен, но не мора да значи дека ќе има и парче хартија. По пропаднатите бракови со Дејвид Џастис и Ерик Бенет, би била разбирлива одбивноста на Бери (45) кон институцијата брак. Но можеби таа би сакала 4-годишната Нала (чиј татко е Гебриел Обри) да порасне со очув? 46-годишниот Оливие, за кого ние секогаш ќе мислиме како за типот што привремено му ја ќари Дајана Лејн на Ричард Гир во филмот Неверна, никогаш не бил женет.
