Ријад Марез синоќа го напушти Манчестер Сити и се пресели во Ал Ахли во зделка вредна околу 30 милиони фунти.
„Саудиска Арабија го промени трансфер пазарот“ – вели Пеп Гвардиола. „Пред неколку месеци, кога Кристијано Роналдо беше единствениот кој се пресели таму, никој не очекуваше дека толку многу топ, топ играчи ќе играат во првенството на Саудиска Арабија“.
„Во иднина само повеќе фудбалери ќе се селат таму и затоа сите треба да бидеме свесни за работите кои се случуваат“.
„Парите кои му ги понудија на Ријад Марез… не можевме да му кажеме да не си оди“.
Се шпекулира дека Ријад Марез во Саудиска Арабија ќе заработува по 25 милиони фунти годишно, одреди извори пак пишуваат дека сумата е многу поголема и изнесува преку 40 милиони фунти, плус бонуси.
