„Украинските вооружени сили силно го гранатираа градот Белгород и регионот Белгород“, изјави синоќа гувернерот Вјачеслав Гладков на апликацијата за пораки Телеграм, без да го прецизира времето на гранатирање.
Нападите на Белгород уследија откако руските сили во петокот извршија ненадеен напад врз североисточна Украина, освојувајќи неколку села во регионот Харков.
Руското Министерство за одбрана утринава преку Телеграм објави дека нивните сили за противвоздушна одбрана уништиле две конвенционални балистички ракети од советската ера, лансирани во текот на ноќта од украинските сили над регионот Белгород во југозападна Русија.
Официјални лица од Киев велат дека неговите напади не се насочени кон цивили, туку дека се започнати против руската воена, енергетска и транспортна инфраструктура за да ги поткопаат воените напори на Москва и да одговорат на руските напади врз енергетската инфраструктура на Украина.
Гладков изјави дека се оштетени околу 300 станови во 85 станбени згради и четири деловни објекти, директно се погодени четири покриви на станбени згради. Оштетени се и градската болница, регионалната детска болница, училиште и два спортски објекти.
Утринава Гладков рече дека градот Белгород, административен центар на регионот, се соочува со дополнителен ризик од украински напад, додека предупредувањето за воздушен напад е на сила низ целиот регион.
