„Длабоко сум вознемирен од денешната најава дека Израел ќе почне целосна опсада на Појасот Газа, ништо нема да може да помине – ни електрична енергија, ни храна ни гориво“, кажа Гутереш.
Израелската војска соопшти дека во служба досега повикала 300.000 резервисти и дека воведува целосна блокада на Појасот Газа по нападот на Хамас во кој настрадаа стотици Израелци, а на што Тел Авив одговори со воздушни напади.
Гутереш истакна дека ситуацијата во Газа била „крајно грозна“ и пред ненадејниот напад на милитантната група, додавајќи дека сега „само експоненцијално ќе се влоши“.
Иско кажа дека е потребни медицинска опрема, храна и други хуманитарни пратки и персонал, Гутереш кажа дека мора да се олесни внесувањето на неопходните залихи во областа.
„Ги повикувам сите страни и релевантни актери да им дозволат пристап на Обединетите нации за да достават итна хуманитарна помош за палестинските цивили, заробеници и беспомошни, во Појасот Газа“, кажа тој апелирајќи до меѓународната заедница да обезбеди моментална хуманитарна поддршка.
