„Јас сум во Тонга за да издадам глобален СОС – Спасете ги нашите мориња – поради подигањето на нивото на морето“, рече Гутереш. „Порастот на нивото на морето ја зголемува зачестеноста и интензитетот на бурите и крајбрежните поплави. Овие поплави ги голтаат крајбрежните заедници, го уништуваат рибарството и посевите. Ја загадуваат водата за пиење. Сето ова ги става во голема опасност жителите на островот на Пацификот“, рече тој.
Тој потсети дека водата се шири како резултат на затоплувањето, што придонесува за подигнување на нивото на морето. На седумдневниот состанок на 18 лидери на островите на Тихиот Океан најмногу внимание беше посветено на климатските промени и безбедноста.
Тој посочи дека сите земји од атолот се загрозени со порастот на нивото на морето, од Тонга до Австралија, еден од најголемите производители на јаглен, фосилно гориво за кое Гутереш вели дека мора постепено да се исфрли на глобално ниво и дека „ситуацијата е различна во различни земји“.
Гутереш ги претстави резултатите од истражувањето кои укажуваат дека порастот на нивото на морето во регионот на Пацификот е побрз од глобалниот просек.
Пацифичките острови, ретко населени и без тешка индустрија, годишно испуштаат помалку од 0,02 отсто од глобалните емисии на стакленички гасови.
Според новиот извештај објавен од агенцијата за клима на ОН, нивото на морето се зголемило за околу 15 сантиметри во одредени делови на Пацификот во последните 30 години.
Глобалниот просек е поставен на 9,4 сантиметри, според ова истражување на Светската метеоролошка организација.
