„Како човек кој мојот јавен живот го посветив на заштита на западните демократски вредности и кој секогаш работев напорно за членството на земјата во НАТО и во Европската Унија, оваа одлука ме засега директно и лично. Ќе се ангажирам со сета своја посветеност и максимално, заедно со нашите пријатели и партнери, со кои ја споделувавме визијата и работевме низ годините за интеграција на земјата во евроатлантските структури, целосно да го обелодениме ова прашање. Транспарентноста и посветеноста на демократските вредности и понатаму ќе бидат главен столб на секоја моја акција“, напиша Груби на фејсбук.
Стејт департментот денеска објави дека поранешниот вицепремиер Артан Груби и неговото потесно семејство, како и судијата на Апелацискиот суд Скопје, Енвер Беџети се ставени на црната листа на САД.
Се огласи и американската амбасадорка Анџела Агелер, која порача дека нема да се толерира политичко мешање во судските одлуки и дека никој не е над законот.
