„Пред малку избувна пожар, над месност викана Фета, над туристичката населба Беровско Езеро, во Берово. Гори шума и заради ветерот, пожарот брзо се шири.
Потребна е помош, за гаснење на пожарот, па се молат, сите кои се во можност, активно да се вклучат во гаснењето на пожарот, заедно со нашите пожарникари“, се вели во апелот на Пекевски.
Итно вклучување во гаснење на пожарот на сите кои се во можност побараа и од ТППЕ Берово кои со дополнителни информации за пожарот ќе излезат во текот на денот.
