Одбојкарската репрезентација на Македонија во изминативе години имаше најразлични авантури, а популарните „спартанци“ сега можат да се „пофалат“ со нова неверојатна случка.
На летот кон Скопје, гром удрил во нивниот авион, па пилотот решил веднаш да се врати назад во Цирих, каде принудно слетал.
За среќа се поминало без посериозни проблеми, нашите одбојкари се сместиле во хотел, преноќиле во Цирих, и утрово со нов лет тргнале кон Скопје.
Како и секогаш, најдоа шега во непријатната ситуација, и на социјалните мрежи порачаа дека се посилни и од громовите.
