недела, 21 април 2024

Грција сè уште може да ја турне Европа

Објавено на

часот

Сподели

Таксист бара работа пред затворена врата на Биро за вработување

Агенцијата Фич рејтинг предупреди дека финансиските проблеми на Грција ќе ја влошат кризата во еврозоната доколку таа не постигне договор за намалување на долгот со кредиторите.

„Грција сè уште има потенцијал да ја турне Европа во криза. Времето истекува“, велат од агенцијата.

Грција со приватните кредитори преговара за доброволно намалување на долгот за 50 отсто. Станува збор за долг врз основа на обврзници во вредност од 14 милијарди евра што доспеваат веќе во март.

Европската централна банка одбива да отпише 45 милијарди евра грчки обврзници. Тоа значи дека од приватните кредитори се бара да преземат поголем дел од загубите за да дојде до договор за намалување на грчкиот долг.

Буџетскиот дефицит на Грција за 2011 година ќе биде за половина процент поголем (9,6 отсто) од проектираниот, изјави Михалис Хрисохоидис, грчкиот министер за развој.

Тој изјави дека зголеменото користење на парите од фондовите за структурен развој на ЕУ придонесе дефицитот за 2011 да падне од 10,6 отсто на бруто-домашниот производ во 2010 година.

Сепак, тоа не е доволно за падот на буџетскиот дефицит на Грција на проектираните 9 отсто од за 2011.

Опстанокот на Грција зависи од милијардите евра спасувачки заеми од европските партнери и ММФ.

ТОП ВЕСТИ

ПОСЛЕДНИ ВЕСТИ