Активни се пожарите во Македонски Брод, кај Јасен и Белица каде гори борова шума и на планината Галичица каде пожарот се шири на две страни, и кон Ресен и кон Охрид. Борова шума и папрат годи кај Општина Кочани и Општина Македонска Каменица, кај селата Пресека и Цера.
Во Општина Долнени гори нискостеблеста шума и сува трева кај селото Дебреште, а пожарот се шири кон Рилево и Зрзе.
И пожарот кај Патеец, Кичевско, не е изгаснат. Тука гори борова и букова шума. Во Кичево има уште еден пожар, кај селата Зајас и Горно Строгомиште.
И на Врбен, Општина Маврово-Ростуше, гори ела, смрека и сува трева.
Активни се и пожарите во општините Неготино, Битола, Пласница, Македонски Брод и Пробиштип.
Под конгтрола е пожарот кај Пехчево, Демир Хисар, на Илинска Планина, депонијата кај Делчево, Чашка на планината Мукос, Слатина кај Македонски Брод, село Гари кај Дебар и на планината Стогово.
