„РЦУК Скопје известува дека во врска со Вардариште од комунална инспекција од Град Скопје ги информирале дека се на терен, има и полиција и неколку возила од пожарна и интервенираат, но има сѐ уште пламен“, наведуваат од ЦУК.
Депонијата Вардариште е во надлежност на Град Скопје, а е лоцирана на територијата на Општина Гази Баба. Чадот од пожарот покрај во Гази Баба се чувствува и во соседната општина Аеродром.
Според последните вечерни податоци на ЦУК денеска се регистрирани 31 пожар на отворен простор, 15 се активни, 5 се под контрола и 11 се изгаснати. Активните се по два пожари во Охрид, Кичево и Студеничани и по еден во општините Македонски Брод, Демир Хисар, Дебар, Бутел, Македонска Каменица, Сарај, Гази Баба, Тетово, Старо Нагоричане и Липково.
Под контрола се 5 пожарите во Петровец, Чашка, Пласница, Делчево и еден од пожарите во општина Макдонски Брод кај селото Слатина.
Изгаснати се 11 пожари на отворен и тоа два во Гостивар и по еден во општините Кочани, Гевгелија, Крива Паланка Македонски Брод, Крушево, Теарце, Доброште, Тетово, Арачиново и во Кисела Вода.
ЦУК вечерва соопштии дека
ЦУК: Ангелов искажа голема благодарност на тимот пилоти од Република Србија, коишто денеска си заминаа во нивната држава
Денеска директорот Стојанче Ангелов, го посети и го испрати тимот пилоти од Србија, коишто се вратија дома.
„При кусата средба, Ангелов, искажа голема благодарност за нивната несебична помош при што и со другите нивни тимови помогнаа многу, на повеќе места, во гаснењето на големите пожари во Македонија, иако во исто време и во Србија имаат многу пожари на отворено“, информираше ЦУК.
