Ѓорческа беше фаворитка против Танасие и ја оправда таквата улога на теренот, двата сета ги доби со идентични 6-2 и 6-2.
Ако досега требаше да го брани статусот на седма носителка, во следниот меч, многу е веројатно дека ќе предизвикува и тоа првата носителка, Ирина Марија Бара, моментно 192. на светската ранг-листа, а исто така од Романија.
Со краткиот меч против Танасие, Ѓорческа ги зачува силите, бидејќи денеска има уште една обврска, во двојки. Со партнерката Деа Херџелаш од БиХ играат за пласман во полуфиналето, исто така против Романки, Кристина Дину и Илиника Амарјеи.
