Извозот во декември според сезонски и календарски прилагодените податоци е намален за 4,6 отсто во однос на претходниот месец, паѓајќи на 125,3 милијарди евра. Но ноември пораснал за 3,5 отсто.
Уште посилен пад е забележан со увозот, за 6,7 отсто, по 1,5-отстотниот раст во ноември.
Со тоа сезонски и календарски прилагодениот германски вишок во стоковата размена со светот во декември се зголемил за 6,7 отсто во ноември, на 22,2 милијарди евра.
Најмногу на крајот на минатата година се намалил германскиот извоз во другите членки од еврозоната, за шест отсто, на 47,3 милијарди евра. Се намалил и извозот во Европската Унија во целост, за 5,5 отсто. Најмал пад на испораките е забележан во размената со трети земји, за 3,5 отсто во однос на ноември.
На годишно ниво извозот во декември се намалил за 4,6 отсто, како и во однос на октомври, а увозот за 12,4 отсто.
Во цела 2023 година германскиот извоз паднал за 1,4 отсто, а увозот за 9,7 отсто. Вишокот во размената со светот се качил на 209,6 милијарди евра, пресметале статистичарите, напоменувајќи дека резултатите за 2022 ги одразувале значително поголемите увози на енергија.
